सुन पसलबाट लागुऔषध बेच्ने एकजना पक्राउ

चन्दननाथ नगरपालिका– ४ हाइस्कुल लाइनको एउटा सुनचाँदी पसलमा लागुऔषध भेटिएको छ। बुधबार दिउँसो प्रहरीले सूचनाको आधारमा सुन पसलमा लागुऔषध बरामद गरेको हो।

सोही नगरपालिका– ३ डाँडाकोटका हाइस्कुल लाइनमा सुनचाँदी व्यवसाय गर्दै आएका ३० वर्षीय मीनबहादुर सुनारको पसलमा लागुऔषध भेटिएको हो।

प्रहरीका अनुसार सुनचाँदी पसलभित्र लुकाइछिपाई तीन पुरिया ब्राउनसुगरजस्तो देखिने लागुऔषध राखिएको थियो । जसको तौल प्लास्टिक हटाई शुद्ध ८५० मिलिग्राम रहेको छ। भेटिएको लागुऔषधसहित सुनारलाई पक्राउ गरिएको डिएसपी छेदीलाल कामतीले बताए ।