मुगुमा जिप दुर्घटना हुँदा नरबहादुरको घटनास्थलमै मृत्यु

मुगु । मुगु जिल्लाको सोरु गाउँपालिका– ६ बन्जाँहा भन्ने स्थानमा बोलेरो जिप दुर्घटना हुँदा एक जनाको मृत्यु भएको छ । आज बिहान करिब ८ः३० बजेको समयमा बोलेरो जिप दुर्घटना भएको हो ।

सोरुकोटदेखि गमगढी बजार तर्फ फर्किने क्रममा ग १ ज ६४६७ नम्बरको बोलेरो जिप सडकको मोडमा ब्याक गर्ने क्रममा करिब १०० मिटर तल खस्दा गाडीमा सवार दुई जनामध्ये जिपधनी आफै चालक रहेका सोरु गाउँपालिका–३ भिँईका नरबहादुर बुमिको घटनास्थलमै मृत्यु भएको जिल्ला प्रहरी कार्यालय मुगुका प्रहरी नायब उपरिक्षक विरेन्द्र थापाले जानकारी दिएका छन ।

इलाका प्रहरी चौकीका अनुसार उक्त गाडीको सहचालक रहेका अर्का व्यक्ति गाडी ब्याक गर्दा बाहिर निस्केको, गाडी सडकको तल खस्दा प्रहरीलाई खबर गर्न भन्दै आफै फरार भएका व्यक्तिको नाम खुल्न सकेको छैन ।